Аçтахар Плотников: Ҫӗршыва уйӑрма пӑрахӗҫ пулмалла

Аçтахар Плотников29.10.2014 19:3011286 просмотров

Ҫӗнӗ шӑпӑр ҫӗнелле вӗрет теҫҫӗ те, ак, Туркай та «Хыпарта» ҫӗнӗ йӗрке тума пуҫланӑ пулас.

Патшалӑх шайӗнче тахҫанах ҫӗршыв саланасран хӑраса ятарлӑ саккунсем кӑларчӗҫ, тӗрмепе хӑратма пикенчӗҫ. Апла-и, капла-и, пирӗн хӑш-пӗр «ӑслӑ» пуҫсем чӗлхери «ҫӗршыв» сӑмаха уйрӑм ҫыртарма пикенчӗ: «ҫӗр-шыв». Дефисӗ пӗр енчен уйрӑм ҫырни мар та-ха, анчах ҫав-ҫавах сӑмаха вуланӑ чухне татнӑ-вакланӑ сӑмахсене ҫӗвӗпе ҫыхӑнтарнӑ евӗрехччӗ. Апла ҫыртарни самай тавлаштарчӗ хӑй вӑхӑтӗнче, хаҫатра та темиҫе статья пичетленсе тухрӗ.

Халь ӗнтӗ, Туркай килнӗ хыҫҫӑн, ку сӑмаха хаҫатра пӗрле ҫырма пуҫланӑ пулас. Кӑна ак ҫак статяна тишкерсен курма пулать: http://hypar.ru/cv/vereny-tytame-by ... itlehenchen-hatale-i . Сас-хура пӗлтернӗ тӑрӑх хаҫатра майӗпен ытти сӑмахсене те пӗрлештерӗҫ имӗш (пӗри ҫакӑншӑн Туркай патне кӗрсех алӑ парса тав тунӑ имӗш). Мӗнех, хамӑр енчен, ку пулӑма эпир ырлатпӑр кӑна.

От редакции: Размещение статей не означает, что редакция разделяет мнение его авторов.

[Добавить новый комментарий (27)]

Migulaj // 3567.81.9202 2014.10.29 20:53
	Çĕршыв, Патăръел сăмахсене Леонтьев, Андреев урăхла çыртарас саккунсене улăштарчĕç. Вĕсене киревсĕр тесе каласан Акапасар хӳтĕлет çав --- -- - - -- .
Якур // 5757.9.5853 2014.10.29 21:36
	Админ хăта! Çĕршыв саланнинчен савăнма хатĕрленсе лараканнисем нумайăн иккен вĕсем.
Аçтахар Плотников // 5043.2.1941 2014.10.29 21:49
	Эс ман текстра çавна куратăн-и? Ăçта ман савнăçĕ?
Agabazar // 1616.03.7601 2014.10.29 22:18
	Migulaj // 3567.81.9202 2014-10-29 20:53 <<Çĕршыв, Патăръел сăмахсене Леонтьев, Андреев урăхла çыртарас саккунсене улăштарчĕç.>> Ку—халлап. Улăштарман. Правилăсен тексчĕсенче пĕрле çырма чарни пачах та çук. Чараканни — правилăсем мар, икĕ урапа утса çурекен çынсем.
Agabazar // 1616.03.7601 2014.10.29 22:23
	Ĕнтĕ Туркайăнне, кунашкал пуçарушăн, ытти çылăхĕсене каçарма та пулать Çапах та çакна асăрхарăм: "Хыпарта" паянхи кун та халĕччен çыраççĕ. "ХалИччен" тесен аванрах пулмалла.
Аçтахар Плотников // 5043.2.1941 2014.10.29 22:24
	Акапасар, чĕлхе комиссийĕнче çав çынсемех леш хайхи примечанине пĕтересси пирки калаçатчĕç... Пĕрле çырма параканни правилăсенче ан пултăр тесе.
Аçтахар Плотников // 5043.2.1941 2014.10.29 22:26
	Акапасар, анчах правилăсенче пĕрле те уйрăм та çырма юрать темен. Унта примечанинче кăна... «иккеленӳллĕхе пĕтерме» пĕрле çырма юрани пирки асăннă.