Agabazar: Ашмарин, Родионов, Егоров

Agabazar25.01.2018 23:0313517 просмотров

Статьяна ак ҫапларах пуҫлас терӗм. Вӑт пур ӑславра танлаштарулӑх теорийӗ текен япала (СТО). Урӑхла ӑна релятивизм теорийӗ теҫҫӗ. Ӑна, унӑн никӗсӗсене, вӑтам шкулта вӗрентеҫҫӗ. Ҫав теорие пуҫласа яраканӗ тесе Альберт Эйнштен текен ҫынна палӑртаҫҫӗ.

Анчах та халӗ, ӑслав историне тӗплӗнрех тишкернӗ май, никӗсре урӑх ӑславҫӑсем те пулни курӑнать. Урӑхла каласан, хӑшпӗр никӗслевҫӗсене тивӗҫсӗрех манса хӑварнӑ иккен.

Хендрик Антон Лоренц, Анри Пуанкаре, Альберт Эйнштейн.

Халӗ вара майӗпен тӗп калаҫу патнелле куҫар. Пирӗн ӑславҫӑсем акӑ, пирӗннисем ҫеҫ те мар, чылай вӑхӑт "чӑваш" сӑмах тупсӑмне тавҫӑрса илессишӗн пуҫ ватнӑ. Килӗшес пулать, юлашкинчен, ҫапах та, тавҫӑрса илнӗ-илнех. Кам-ха вӑл, ҫавна тавҫӑрса илекенӗ?

Эпир ҫав ҫын Николай Иванович Егоров пулӗ тесе шутланӑччӗ.

Кӑштах вӑхӑт иртсен Виталий Григорьевич Родионов ячӗ те хӑй вырӑнне йышӑнчӗ.

Ҫапах та чи пирвайхи утӑмсене Николай Иванович Ашмарин тунине сиссе илни нумаях та мар-ха.

Мухтав Ашмарина! Мухтав ун ӗҫне малалла тӑснӑ Родионова тата Егорова!

Аналогие вӗҫнех ҫитерес пулсан, Ашмарина Лоренцпа, Родионова Пуанкарепе, Егорова Эйнштейнпа танлаштарас пулать.

Николай Ашмарин, Виталий Родионов, Николай Егоров.

Ашмарин, Родионов, Егоров хоспочынсем мӗн тупса палӑртни пирки эп хам "чувашорг" сайтра пайтах ҫыртӑм-ха. Апла пулин те, уҫнӑлӑхсене тепӗр хут аса илтерес килет.

Вӑтам ӗмӗрсенче Атӑлҫи пӑлхарсем пурӑннӑ. Пӗрисем — мӑссӑльмансем, теприсем — авалхи тӗне тытса пурнакансем. Пурӑна-киле малтанхисене бессермянсем теме пуҫланӑ, теприсене — ҫӑваҫсем. Вӑт ҫав юлашки сӑмахран пуҫланса кайнӑ та ӗнтӗ чӑвашсем тени.

Ҫакнашкал пулӑм тӗлӗшпе ҫав тери хытӑ аргументланӑ никӗслевсем пур. Вӗлерсе ярасла хӑватлӑн аргументланӑскерсем! Пуҫран чуххӑмла шутласа кӑларнӑ япала мар ку.

Чӑваш пӗтсен тӗнче пӗтет..

От редакции: Размещение статей не означает, что редакция разделяет мнение его авторов.

[Добавить новый комментарий (11)]

См. также

2024.11.06

Ялтан // 9259.3.8429 2018.01.28 15:47
	Чăн тĕпчевçĕ малтан мĕн тăвать ? Малтан чăваш,çăваç,сувар тата ытти сăмахсем паян кун ăçта сыхланса юлнине тĕпчеть? Пĕтĕмпех кăнтăрта сыхланса юлнă пулсан тупсăмне те малтан çавăнта шырамалла. Унта çав сăмахсем мĕне ăнлантарнине малтан пĕлес пулать. Малтанхи утăмсем тĕрĕс мар пулсан ытти те тĕрес мар,çавăнпа та" çăваç тени малтанах пулнă,летовщик е язычник тени" пĕтĕмпех шутласа кăларнă япала.
Тимĕр Акташ // 2140.69.7903 2018.01.28 16:49
	Agabazarпа килĕшмеллех. Ку пирĕн чăваш ăслăлăх хастар çынсем. Чăваш филологсем. Нумай чăваш студентсене вĕреннĕ вĕрентекенсем. Тюркологийĕ ăслăлăхĕ хастарĕсем. Чăн-чăн чăваш патриочĕсем. Вĕсемпе чăвашсем мăнаçланма пултараççĕ.
Agabazar // 7731.2.3097 2018.01.28 18:00
	<<Ялтан // 9259.3.8429 2018-01-28 15:38>> ===================================== Хăш ялтан?
Agabazar // 3353.83.1780 2018.01.30 11:14
	Ялтан // 9259.3.8429 2018-01-28 15:38 .......... суйнинчен ............. =========================================== "Кремĕлтен" Хоспочын, кунта ятарласа пăлхатма янă çын! Кам суять? Хăшĕ? Хăшĕ суять? Хăшĕ суять: Лоренц, Пуанкаре, Эйнштейн, Ашмарин, Родионов е Егоров? Асăннă çынсенчен хашĕ суять? Е çавсем, асăнса тухнисем, пурте суяççĕ-и?
Аскольд Де Герсо // 3472.54.0467 2018.04.14 08:36
	Каяшлă вĕрнепе туртса кĕртнĕ сăмахсем. Енчен те питĕ те палăрас килсен, хăть мĕскер тупса юптарма та хатĕр паянхи кун хăш-пĕрисем. Ултав мĕнле пытарсан та çиеле тухать.
Аскольд Де Герсо // 3472.54.0467 2018.04.14 08:39
	Акапасрăн пурне те е Кремльтен ятарласа янă, е ман йышшисене анăсри Европăран. Нивушлĕ çав тери те аслă çын, енчен те çур тĕнчи пĕр Акапасаршăн укçа тăкаклама хатĕр? Шанассăм та килмест, анчах та çакăн пирки Акапасар пур çĕрте те асăнать, шавлать
Agabazar // 1885.90.2220 2018.04.16 13:34
	Мĕн пур ку статьяра ултавли?
Аскольд Де Герсо // 7290.7.9514 2018.04.16 18:26
	Статья пирки мар сăмах, сирĕн пе килĕшменсем пирки. КАшт çÿлерех асăнни çинчен. Е тĕрĕс калан-и тата килĕшмест-и?
Agabazar // 1336.45.8507 2018.04.18 13:14
	Акапасарпа мĕн килĕшмелли, килĕшмелле марри пур? Вăл, Акапасар, хăйĕнчен ытлашши нимех те каламан. Ыттисем мĕн туни, мĕн шутлани пирки çеç кăштах ăнлантарса пама тăрăшнă.
Agabazar // 2006.50.7967 2018.04.20 19:25
	Ашмарин, Родионов, Егоров — Кам та пулсан татах пур-ши урăх?