Agabazar: Аслă Атилĕх вăрçи

Agabazar03.05.2015 20:2148647 просмотров

<<Чăваш чĕлхин çĕнĕлĕх словарĕ

п.с. Тăван çĕршыв (ытларах 1941-1945 çулсенчи вăрçă ятне каланă чухне усă кураççĕ). «Отечество» вырăнне Митта Ваçлейĕ «аттелĕх» теме сĕннĕччĕ. Г.Юмарт //С-на, 1990, 390 с. Ăна Хĕрлĕ Çăлтăр, 1 степень Аттелĕх вăрçин орде-нĕсемпе... наградăланă. Н.Кушманов //Т-ш, 22.01.1998, 4 с. — Аттелĕх вăрçи (М.Юхма //Пике, 1991, 7 /, 24 с.); Аслă Аттелĕх вăрçи (ЧЕ, 1992, 21 /, 16 с.; К-ш, 27.04.1996; ХС, 25.09.1997; ТА, 2003, 2 /, 41 с.; ЧХ, 2003, 19 /, 1 с.); иртнĕ Аттелĕх вăрçи (Л.Таллеров //Х-р, 24.07.2001, 2 с.).>> http://samah.chv.su/s/аттелĕх

Çавăн пекех тата ак çакăнта пăхăр: http://termin.chv.su/term/1120.html

Сасартăк шухăш пырса кĕчĕ: тен, аттелĕх мар, "атилĕх" е "аттилĕх" вăрçи темелле?

Аслă Атилĕх вăрçи. Е: Аслă Аттилĕх вăрçи

Калăпăр, вырăс чĕлхинче те "отец" сăмахпа çыхăннă (пĕр тымарлă) сăмахсем темиçе: Отчество, Отечество, Отчизна, Отцовство. Тен, шырасан татах та тупăнать пуль. Пĕр тымартанах пулсан та, асăннă сăмахсен сĕмĕсем çеç мар, пĕлтерĕшĕсем те тĕрлĕрен. Мĕншĕн чăваш чĕлхинче апла пултараймасть? Пултарать, питех те аван пултарать!

От редакции: Размещение статей не означает, что редакция разделяет мнение его авторов.

[Добавить новый комментарий (191)]

Галина Зотова // 1706.88.1161 2015.05.04 07:47
	Аслӑ Отечествӑлла вӑрҫӑ тесе ӳснӗ эпир. Урӑхла варианта йышӑнмастӑп.
Аçтахар Плотников // 3421.06.8915 2015.05.04 09:29
	Эп вара Тӑван Ҫӗршывӑн Аслӑ вӑрҫине хӑнӑхнӑ. «Аслӑ Аттелӗх» темле искусствӑлла япала пек туйӑнать.
Ют Ҫын // 2676.19.3970 2015.05.04 10:20
	Мӗн каллех пӳрне хушшинчен проблемӑ туртса кӑларатӑр,унсӑрӑнах проблемӑсем нумай иҫ?
Agabazar // 3185.09.5634 2015.05.04 11:46
	"Тăван Çĕршывăн Аслă вăрçи" тени те искусствăлла япалах. Вăл та— пуçран шутласа кăларнăскерех! "...Аслӑ Отечествӑлла вӑрҫӑ тесе ӳснӗ эпир..." Апла мар-тăр çав. "Великкăй Оттеччествĕннăй война" тесе ÿснĕ пек туйăнать. Ют Çын: "...Мӗн каллех пӳрне хушшинчен проблемӑ туртса кӑларатӑр,унсӑрӑнах проблемӑсем нумай иҫ?" Мĕнле пит человой çын вара эсĕр??? Человойсем ку сайтра лармаççĕ пуль вĕсем?
Victor // 3443.41.2811 2015.05.04 12:07
	Йĕркеллĕ (нумай çын çырнă) чĕлхемĕрте - "Ати" "Аттей" "Атей" чĕнÿ формин (падежĕн) вырăнти тĕрлĕ варианчĕсем марччĕ-и-ха, Agabazarей!
Agabazar // 3185.09.5634 2015.05.04 12:17
	Тĕрĕс. Ати, Атти вирьял чĕлхевĕшĕн тата ытти çавăнталли чĕлхевсемшĕн характерлă. "Асран кайми атти-анни"©. Анчах та чĕнÿ форми мар-тăр. Туртăм категорийĕнчи форма. "Постпозициллĕ артикль".
Victor // 3443.41.2811 2015.05.04 13:08
	Камăнлăх форми (Туртăм категорийĕ) - "ашшĕ-амăшĕ" мар-и? "Атти-анни" - чĕнÿ формиех. Хамăн тымарсем вир ялта пулнипеле пĕлетĕп. "Апи", "Ати" теççĕ - aнчах камăнлăх форми "амăшĕ", "ашшĕ". Чĕнÿ форми кунта палăрту формипе пĕрлешнĕ пулма та пултарать. "(Ман) апи" "(Ман) ати" - паллах "ман"не никам та каламасть. Акăлчанла та пĕрешкелтерех пулăм пур. 'The' палăрту артиклĕсĕр каланă чухне - Mother (Аннем), Father (Аттем) - пирĕннинче кутăн (палăрту форминче).
Agabazar // 3170.69.2107 2015.05.04 15:01
	Ати, Атей, Аттей, Аттев — пурте чĕнÿ формисем теме пулать. Кунсăр пуçне Ати — "Атте" сăмахăн синонимĕ те теме май пур. Ати=Атте. Туртăм категорийĕнче: > Атийĕ > Атийĕшĕ Туртăм категорийĕн Виçĕмĕш сăпатри форми: Атте > Атти (Танлаштарăр: Парне > Парни). Ашшĕ — анлă усă куракан стандартлă мар (эксклюзивлă) вариант. <<The' палăрту артиклĕсĕр каланă чухне - Mother (Аннем), Father (Аттем) - пирĕннинче кутăн (палăрту форминче).>> Акăлчан чĕлхинчи артикльсен сăпатлăх çук. (Е пурте виççĕмĕш сăпат темелле-ши?). Тĕрĕк чĕлхинчи постпозициллĕ артикльсен сăпатлăх пур. Çавăнпа та вĕсен хушшинчи çыхăну линилле мар. Апла пулин те вĕсем пĕлтерĕшĕпе пĕр япалах: палартасси, тĕллесе кăтартасси....
Victor // 3443.41.2811 2015.05.04 17:03
	Тавах, эппин Аттилĕх = Ашшĕлĕх? Мшпа, кусене патран тишкернĕ хыççăн нихăш те лайăх мар - Аттелĕх, Ашшĕлĕх, Аттилĕх. Вырăсла сăмахне шутласан кăна ăнланма пулать. Анне+лĕх, амăш+лăх пач урăх ăнлавлă. Тăван çĕршыв тенине ним çитмест. Е "патриотла". (Арттикĕлсен căпатлăхĕ çуках. Чăваш чĕлхинчи эквиваленчĕ камăнлăх формин виççĕмĕш сăпачĕ пулнипе кăна çапла туйăнать.)
Ют Ҫын // 1052.5.4754 2015.05.04 19:56
	Šyravşă ҫырнипе килӗшме юрат. Тӑван ҪӗрШыв тенине ним те ҫитмест. Пирӗн Чӑваш Гимнне ҫыракан Илле Тукташ Agabazar-тан,Админ-ран Ӑс енӗпе тайӑкрах пулман тӑр. Тӑван ҪӗрШыв,Тӑван ҪӗрШыв Асран кайми Мухтавлӑ ҪӗрШыв ... . Ҫак йӗркесене хуть Америкӑра пурӑн, хуть Германире,хуть Японире,хуть Австралире-ниепле те манас ҫук, нимӗнпе те улӑштарас ҫук,никампа та пайлас ҫук. Кунта чӗлхе енӗпе куймӑрланакансем ПИАР ӑстисем кӑна.