Agabazar: Константин Иванов

Agabazar21.06.2015 18:204215 просмотров

КОНСТАНТИН ИВАНОВ

Кĕçтук та мар вăл, Кĕçтенттин те мар,

Туссем, тăванĕсем çапла чĕннĕ пулин те.

Псевдонимпа та айкашман талантлă ар —

"Кайри хисеппелен" Пăртта тееймĕн ĕнтĕ.

Ахаль ят-хушамат, ахаль çеç çамрăк çын.

Ун халăхĕн шăпи вара пит кăткăс.

Пулни-пулмаллине йăлт Пÿлĕх çырнă-шим?

Ах, пурнăç, пурăнăç, туту-масу сан тăкăс...

Йĕри-тавралăхра хаваслăх пит сахал.

Элле авалтанпах çапла сăнарлă хамăр?

Ара, ахаль-им халь те пирĕн идеал

Террор сукмакĕпе утан Нарспи аппамăр...

Çилпи енче ĕçпуç хăçан пулса иртет?

Тиек таврашĕ, страшнĕк, старшшина, уретнĕк... —

Мĕн-ма вĕсен шăрши те çук? — Эппин, поэт

Геройсене таçти "аваллăхра" çÿретнĕ!

Чунри тăнăçлăха çапла шыранă пуль:

Ун чух чăвашлăхра çитмен чăн-чăн тасалăх:

Ют витĕм, ют йăла, ют тытăмлăх, ют шкул

Ăс-хакăла куллен пусса тăнă, ку паллă.

От редакции: Размещение статей не означает, что редакция разделяет мнение его авторов.

[Добавить новый комментарий (6)]

Agabazar // 7972.7.6514 2015.06.23 16:26
	Путин юлташ пире çапла вĕрентет: На миру и смерть красна.
Agabazar // 7972.7.6514 2015.06.23 16:26
	Этот комментарий удален. Причина: дубль
Чекес // 8229-9611 2015.06.24 12:29
	Agabazar, Сирӗн ытти хайлавсемпе паллашма пулать-и? Пичетленнӗ кӗнеке вулама сӗнейместӗр-и?
Agabazar // 1681.03.4966 2015.06.24 13:36
	Чекес юлташ, манăн пичетленнĕ кĕнекесем те, пичетленменнисем те çук. Интернетра вырнаçтарнă "хайлавсем" вара пур. Сăмахран, çак "кун кĕнеки" текенскеренчех. Вĕсенчен пĕри ак çакă — http://ru.chuvash.org/blogs/comments/2157/2.html Ну, мĕнле шырамалли паллă ĕнтĕ: шырав йĕркине "Agabazar" е урăхларах сăмах лартмалла та... Тепĕр тесен, апла аппаланмасăр та май пур. "Кун кĕнекинчи" Акапасар çыравĕсене йĕркипе пахса тухмалла кăна. http://chuvash.org/blogs/41676162617a6172
Чекес // 1707.47.0750 2015.06.24 21:40
	Agabazar "...манăн пичетленнĕ кĕнекесем те, пичетленменнисем те çук. " Ӑслӑлӑх ӗҫӗсем сахал мар вӗт...
Agabazar // 2033.98.7514 2015.06.25 16:21
	Ăслăлăх ĕçĕсен шучĕпе, ахăртнех, Пушкăртсанра çуралса ÿснĕ Юрий Виноградов чи малта пырать пулмалла.