Бангкокра пурӑнакан Киттипум Сонгсири кил-ҫурт таврашӗнче усӑ курма меллӗ вырӑн сахал йышӑнакан кӗпе-йӗм ҫакмалли япала шутласа кӑларнӑ. Вӑл нумай функционаллӑскер, хӑвӑрт пуҫтарӑнать, шуруп-пӑта таврашӗпе усӑ курмасӑрах вырнаҫтарса лартма пулать.

Кӗпе-йӗм ҫакмалли ҫӗнӗ концепта Curve Hanger ят панӑ, ӑна karv сӗтел-пукан студеийӗ валли хатӗрленӗ. Кӗпе-йӗм ҫакмалли вешалкӑна фанерӑран компьютерпа усӑ курса касса кӑлараҫҫӗ. Программӑна пула пӗр фанера листинчен нумай пӗчӗк пайсем тухаҫҫӗ, ытлашши материал расхутланмасть.

Концепт тӑватӑ пайран ҫеҫ тӑрать: тӗп стойка, стена ҫумне тата урай ҫине туянакан икӗ опора тата стойкӑпа опорӑна ҫыхӑнтаракан хӑма татки. Кашни пай пӗр-пӗринпе шуруп таврашӗсӗр ҫилӗмпе ҫӑт ҫыпӑнать. Стена тата урай ҫине таянакан пайсем ҫине резинӑран тунӑ накладкӑсем пур, вӗсене пула ҫак кӗпе-йӗм ҫакмалли япала шумасть. Вешалка ҫине сумка тавраш та, рюкзак та ҫакма пулать. Ҫӳлти пай ҫине шлепке тӑхӑнтартма май туса панӑ.

Кӗпе-йӗм ҫакмалли Curve Hanger япалана пилӗк тӗслӗ фанертан ӑсталаҫҫӗ: эбен йывӑҫҫи, Африкӑри пара йывӑҫҫи, палисандр, юман тата тик. Пӗр фанер листинчен 16 вешалка тухать. Ҫак кӗпе-йӗм ҫакмалли япаласем пӗр-пӗрин ҫумне ҫӑт вырнаҫаҫҫӗ, упранӑ чухне нумай вырӑн йышӑнмаҫҫӗ.

2014 ҫулта концепт Японири Good Design Award тата Таиландри Design Excellence Award конкурссен наградисене тивӗҫнӗ.