Валери Туркай: «Чӑваш намӑсӗ, инкекӗ...»

Валери Туркай29.02.2020 10:2120474 просмотров

Чӑваш намӑсӗ, инкекӗ

Халь ларать-тӗр килӗнче,

Иртнине аса илет-тӗр

Выртнӑ чух диван ҫинче.

Ӑнсӑртран «ҫулпуҫ» вӑл пулчӗ.

Чӑн та пулчӗ ӑнсӑртран.

Влаҫӗпе пайтах ыр курчӗ,

Ыр курма юратнӑран.

Халӑха шута хумарӗ.

Кулчӗ ҫеҫ лӗх-лӗх унран.

Ун пек ӑслӑ ҫын та ҫукчӗ, —

Вӑл ҫапла шутланӑран.

Никама та пулӑшмарӗ, —

Ҫын лексен йывӑрлӑха.

Ӑслине вӑл ҫул памарӗ,

Пачӗ ҫул пур йӑх-яха.

...Аҫа ҫапрӗ те кӗрлерӗ

Аслати кӗтмен ҫӗртен!..

Ҫук «ҫулпуҫӑн» текех влаҫӗ!..

Ҫук ӑна хӗрхенекен!..

Ыттисем халь пысӑк влаҫлӑ.

Ман шанас килет: вӗсем

Халӑха, тен, шута хурӗҫ,

Пулмӗҫ нишлӗ йӗксӗксем...

...Чӑваш намӑсӗ, инкекӗ

Халь ларать-тӗр килӗнче.

Иртнине аса илет-тӗр

Выртнӑ чух диван ҫинче.

Валери ТУРКАЙ,

Чӑваш халӑх поэчӗ

29.02.20

От редакции: Размещение статей не означает, что редакция разделяет мнение его авторов.

[Добавить новый комментарий (76)]

См. также

2024.10.20

Возможности трудоустройства для самозанятых лиц в Чебоксарах

Дарья Булашова

2024.08.20

В Чебоксарах состоялся творческий отчет председателя Канаша (Совета) чувашей Башкирии

Тимӗр Акташ

2024.07.29

Экскурсия чувашских академиков и краеведов в Мариинско-Посадкой округ

Тимӗр Акташ

vasilij.rozov.1944 // 4201.65.8787 2020.03.03 19:40
	Ташла, ташла, Акапасар!
Атнер // 3435.89.0976 2020.03.03 20:33
	Вӑт никак садик кирле тесе кӑшкӑрасшӑн мар ку Акапасар.Мӗн тумалла санпа.Чӑваш пӗтет курмастӑн им?.
Сармантей // 4271.44.4515 2020.03.04 02:26
	Микула, "халӑх артисчӗ", е "халӑх" сӑмаха тивӗҫнисем нумайӗшӗ влаҫпа йӑпӑлтатакансем, ҫуллама хатӗр вӗсене ятшӑн. Кирлӗ ҫынпа ваҫ-ваҫ пулаҫҫӗ. В.К. Кузьминан мӑшӑрӗ патшалӑх ҫынни, депуат пулнӑ. Академтеатрта пултаруллӑ артистсем сахал мар. Чапӗ темшӗн пурне те тивмест. Пуҫлӑхӑн, пуҫлӑхпа ҫывӑхраххисен, машӑрӗсен, тусӗсен кана чап кунран -кун усет. Вӗсене пӗрне те ача сачӗсем кирлӗ мар. Хайсем те театарта кана чӑвашла калаҫҫӗ, килте-вырӑсла. Академтеатрта чӑвашла пӗлмен ҫынсем те ӗҫлеҫҫӗ. В.Кузьминан мӑнкӗ чӑвашла пӗлет-ши? В.Яковлевӑн ачисем пӗлмеҫҫӗ пек, юбилей каҫӗнче вырӑсла саламларӗҫ ашшӗне.
Agabazar // 5268.9.4478 2020.03.04 10:17
	Кăшкăрма ухмах та пултарать. Анчах та ача сачĕсем чăвашла пулмалли пирки Атнер кăшкăрни халиччен пĕрре те пулман. Чăннипе каласан, Меххочăхăн та пулман унашкалли. Халлап çапни пулнă, кăшкăрни — пулман.
Сармантей // 4271.44.4515 2020.03.04 13:03
	Agabazarпа килешетӗп. "Чӑваш намӑсӗ, никӗсӗ" тесе интернетра ухмах та кӑшкӑрма пултарать.
Атнер // 1726.84.3785 2020.03.05 09:13
	Сармантей, америка ан уҫ ха.Театрта халиччен пулман кама та пулин чӑваш халӑхӗн тава тивӗҫлӗ артистне мӑнукӗсем чӑвашла саламлани.Тепӗр тесен историнче пулнӑ и чӑваш элитин кун пекки?
KIREMET SIGCHI YURGAN TURINGE // 2291.81.1801 2020.03.05 09:43
	Этот комментарий удален. Причина:
Валери Туркай // 3702.08.1591 2020.03.05 23:39
	"Атнер": "Театрта халиччен пулман кама та пулин чӑваш халӑхӗн тава тивӗҫлӗ артистне мӑнукӗсем чӑвашла саламлани.Тепӗр тесен историнче пулнӑ и чӑваш элитин кун пекки?" Эп хам пирки "чӑваш элити" теейместӗп, паллах. Ҫапах та эс, мӗн, тӑванӑм, МАН уявсенче пулса курман-и, унта мана ман Илемпипе Силпи савӑнса та киленсе ЧӐВАШЛА - Тӑван Чӗлхипе - саламланине курман-и? Мда!.. Суккӑр ҫын куҫӗ курнӑ чухне те суккӑр иккен!.. Питӗ шеллесе - Чӑваш халӑх поэчӗ Валери Туркай. 89278555480
Атнер // 1726.84.3785 2020.03.06 16:03
	Тургайпа мӗн калаҫмалли.Тургай вӑл ТУРГАЙ.
Agabazar // 1791.96.0114 2020.03.06 17:22
	Туркай кашничех телефонне лартать. Эппин, ник суя е суя мар — çакна кашниех тĕрĕслеме пултатарть. Пире намăслантарас текенсем хамăрсăрах çителĕклĕ. Кама намăслантармалла? Чăваша!