Электронлă вулавăш

Пĕчĕк пепкем, савса

Кĕтетĕп эп сана.

Кун çутине курса

Эс парăн сассуна.

Эс килсем, килсем,

Килсем çут тĕнчене.

Вăхăтлă килсем,

Ман пĕчĕкçĕ пепкем.

Пĕчĕк кӳлепӳпе,

Тяппусемпе тапса,

Вылятăн аннӳпе

Варта эс хускалса.

Эс килсем, килсем,

Килсем çут тĕнчене.

Вăхăтлă килсем,

Ман пĕчĕкçĕ пепкем.

Эп кулсан — эс йăл кул,

Йĕрсен çеç — ан хурлан.

Тĕреклĕ, сывă пул,

Пепкем, час аталан.

Эс килсем, килсем,

Килсем çут тĕнчене.

Вăхăтлă килсем,

Ман пĕчĕкçĕ пепкем.

Пулăн-и эс ывăл

Е хĕрпĕрчи-и, тен.

Саншăн хавас кăмăл,

Манра-çке ӳтленен.

Эс килсем, килсем,

Килсем çут тĕнчене.

Вăхăтлă килсем,

Ман пĕчĕкçĕ пепкем.

(сăнав)

Икĕ пуçлă çĕлен,

Виçĕ пуçлă çĕлен,

Çичĕ пуçлă çĕлен

Тĕнчере пурри çинчен

Илтнĕ эп юмахсенче.

Икĕ питлĕ пепке,

Виçĕ питлĕ пепке,

Çичĕ питлĕ пепке

Тĕнчере пурри çинчен

Эп илтмен халиччен.