Статьи

Республикӑри чи ватӑ больницӑна тӗп тӑваҫҫӗ

■ 02.05.2009 18:25 | Изменить | Удалить | 3476 просмотров

Муркаш районӗнчи Мӑн Сӗнтӗр больницине майӗпен тӗп туса пыраҫҫӗ. Кӑҫал ҫак сиплев учрежденийӗ 131 ҫул тултарать. Темиҫе ҫул каялла кӑна ҫак больницӑн 150 койка пулнӑ, паян - 65. Ача тата ача ҫуратмалли уйрӑмсене хупнӑ, хирурги уйрӑмӗ пӗтнӗпе пӗрех. Халӑха тӗп тӑвас тесех шутлаҫҫӗ пулмалла Муркашра.
Мӑн Сӗнтӗр больници Муркаш больницине пӑханса тӑрать. Ҫак Муркаш больницин тӗп врачӗ вара 11 ҫул Патшалӑх Канашӗн депутачӗ пулса ӗҫлекен В. Г. Данилов. В. Г. Данилов Гиппократ тупине маннӑ пулмалла. Ҫак тупан пӗр постулачӗ -"Сиен ан кӳр!" Депутатӑн та халӑх мӗн ыйтнине пурнӑҫламалла.

Далее...

[Добавить новый комментарий (1)]

Мазуркин ӑста патне ҫул

■ 02.05.2009 16:34 | Изменить | Удалить | 3480 просмотров

Мазуркин - йывӑҫ ӑсти - Муркаш районӗнчи Шокино ялӗнче пурӑнать. Мӑн Сӗнтӗр салинчен инчех те мар. Ӑста патне ют ҫӗршыв турисчӗсем сахал мар ҫӳреҫҫӗ. Мазуркин ӑстана муркашсем район визитки тесе те чапланаҫҫӗ. Анчах та Мазуркин патне ҫитес тесен ҫул хӗрринче вырнаҫнӑ ҫӳп-ҫап, каяш купи умӗн иртме тивет. Свалкӑри ҫӳп-ҫап эсир пыракан ҫул ҫинче те выртать. Свалка ҫинче, ҫитменнине, выҫӑ йытӑсен эшкерӗ, самӑрӑлса кайнӑ йӗкехӳресем мӑй таран. Свалка СанПина та уямасть. Шокино ялӗнчен, тата артезиан скважинисенчен 300 метртан вырнаҫнӑ.

Далее...

[Добавить новый комментарий]

Муркаш ҫӗрӗ ҫинчи йӗркесӗрлӗх

■ 02.05.2009 12:36 | Изменить | Удалить | 3793 просмотров

Муркаш районӗнче йӗркеллӗ ӗҫлекен ял хуҫалӑх предприятӗсем юлман. Ӗҫлекеннисем те паян-ыран пӗтсе ларӗҫ. Район пуҫлӑхӗ вара администрацинче электричество чейникӗсемпе усӑ куракансене хирӗҫ вӑрҫӑ пуҫланӑ та ун ҫинчен кӑна шутлать. Ку акци ҫинчен вӑл телевиденипе хӑй пӗлтернӗ. Ял ӗҫченӗ вара ҫак шая ҫитнӗ. Намӑс.

Вот так выполняется президентская программа по продовольственной безопасности России Д. Медведева в России в Чувашской Республике. Сельхозпредприятия разоряются коррупционерами, взяточниками.

Далее...

[Добавить новый комментарий (3)]

Чӑваш шкулӗнче чӑваш чӗлхине ҫапла хисеплеҫҫӗ

■ 02.05.2009 12:29 | Изменить | Удалить | 3736 просмотров

Муркаш районӗнчи Калайкасси шкулӗнче чӑваш чӗлхи пысӑк "хисепре".

[Добавить новый комментарий (2)]

«Класри ӗҫшӗн» намӑс мар-ши?

■ 26.04.2009 18:43 | 4545 просмотров

Ҫамрӑксен хаҫатӗнче «Кулса вилмелле» рубрика пур. Кӑҫалхи 15-мӗш кӑларӑмра ҫакнашкал анегдот вуларӑм:

Ашшӗ ывӑлӗн шкул тетрадьне пӑхать:
— Нимӗн те ӑнланмастӑп! Мӗншӗн «иккӗ»? «Класри ӗҫ» тесе ҫырнӑ-ҫке!

Тӳрех ӑнланмарӑм — «кунта мӗн кулмалли пур-ши?» тесе тепӗр хут та вуласа тухрӑм. Шел, ӑнлануллӑ пулмарӗ. Кайран вара вырӑсла (ку рубрикӑри анекдотсене вырӑсларан куҫараҫҫӗ. Сӑмах май каласан чӑваш кулӑшӗсене нивушлӗ тупма ҫук?) куҫарса пӑхас терӗм те тин мӗнрен кулмаллине ӑнкарса илтӗм. Вырӑсла унта «класная работа» пулнӑ — чӑвашла куҫараканӗ вара тӳррӗнех куҫарнӑ та «класри ӗҫ» тесе лаплаттарса хунӑ!

Далее...

[Добавить новый комментарий (4)]

Йӑлӑхтарса ҫитерет...

■ 23.04.2009 22:13 | 4597 просмотров

Ну ма чӑвашла ҫырмаҫҫӗ????? «Ҫӗнӗ ятсем уҫатпӑр» литература конкурсӑн ҫӗнтерӳҫисене чыслани пирки хыпар ҫырас терӗм. Паллах, вырӑсла вырнаҫтарнӑ хыпара куҫарса. Вӑл юрӗ-ха... чӑвашла куҫарӑпар. Анчах та хӑш-пӗр япаласене чӑвашла ҫырманни мана тарӑхтара пуҫларӗ! Уйрӑмах мероприяти ячӗсене чӑвашла ҫырманни япӑх. Ак «Через книгу – к согласию народов» ята илер. Эп ӑна чӑвашла куҫарма пултаратӑп — анчах та ман те пӳтлӗ пулса тухӗ, те япӑх... Официаллӑ ячӗ пурах ӗнтӗ ку мероприятин (наци кӗнекин фестивалӗ как-никак!) — ман кунта, Чулхулара, таҫтан шыраса тупмалла тет.

Далее...

[Добавить новый комментарий (1)]

Cap.ru пирӗн сайт ҫине каҫӑ лартнӑ

■ 21.04.2009 16:55 | 4297 просмотров

http://gov.cap.ru/hierarhy.asp?page=./16/530/561602/640863 — «Чӑваш чӗлхи кунне» халалланӑ страницӑра пирӗн ҫине каҫӑ лартнӑ.

«Хыпар», «Сувар» хаҫатсен, ЧНК сайчӗ ҫине лартман, пирӗн сайта куҫаракан каҫӑна вара лартнӑ. Малалла та тӑрӑшса ӗҫлемелле :)

[Добавить новый комментарий]

Ишӗлекен ЧНК

■ 17.04.2009 18:34 | Изменить | Удалить | 4082 просмотров

ЧНКна 2 миллион ытла укҫа хывнӑ, кӗтӳ тулли арендатор - вывеска тӳрлетеймеҫҫӗ. Ку намӑҫ 2 уйӑх ытла ҫакӑнса тӑрать.

Тутар чӗлхи - Раҫҫейӗн 2-мӗш официалла чӗлхи

■ 16.04.2009 10:19 | Изменить | Удалить | 4734 просмотров

Чӑвашсем вак-тӗвек япаласемшӗн хирӗҫсе, тӗрлӗ провокацисем хушшинче ҫӗтсе пурнӑҫран чылай кая юлнӑ. Тутарсем тутар чӗлхине Раҫҫӗйӗн 2-мӗш официаллӑ чӗлхи тӑвас тесе подписьсем пуҫтараҫҫӗ. Ачамсем, тутарла вӗренӗр - кирлӗ пулӗ.

Вӗрентекенсене ЧӐВАШЛА ӗҫлеме вӗрентме май пур-ши?

■ 14.04.2009 10:57 | Изменить | Удалить | 4462 просмотров

Ку сайта нумай чӑваш чӗлхипе сӑмахлӑхне вӗрентекен кӗрсе тухать. Ҫӗнӗ технологисене алла илнисем те чылай. Эпӗ те кӑштах компьютерпа ӗҫлекелеме пӗлетӗп. Ман пек ҫӗнӗ технологисене ачасене алла илме пулӑшас текен вӗрентекенсене пӗрле пухма, вӗсемпе вӗрентӳ ирттерме май ҫук-ши? Пӗр-пӗрин опычӗпе паллашӑпӑр, ҫӗннине вӗренӗпӗр. Мӗнле аван пулмаллаччӗ...
Ачасене ҫӗнӗлле вӗрентеймесен, чӑнахах та, чӑваш чӗлхи те пӗтӗ. Пуласлӑх - ачасенче. Паянхи куна тивӗҫтерекен пӗлӳ пама тӑрӑшмалла. Эпир вара, вӗрентекенсем, кашни уйрӑмшаррӑн тапаҫланатпӑр. Пирӗн пӗрле пухӑнса калаҫмаллаччӗ, канашламаллаччӗ.

Далее...

[Добавить новый комментарий (10)]